Канверт для дыска

Зрабіла свой першы канверт для дыска. Прынцыпова новага, канешне, у ім нічога няма, але ўсе ж такі. У канверце будзе дыск з калыханкамі Змітра Вайцюшкевіча. Музыка вельмі пяшчотная. Мне хацелася, каб і вокладка ей пасавала.

Неяк вельмі хутка натхнілася я новым скетчам SS#31. Зрабіла ў той жа дзень, што са мной рэдка здараецца (звычайна нешта ў галаве некалькі дзен круціцца, а зняць толькі зараз выпала. Вось яна, мая паштовачка на дзень народзінаў вельмі файнай дзяўчыне Касі, вельмі светламу і добраму чалавеку.

Падрыхтоўка да Новага года

Як кажуць, рыхнуй сані летам, а паштоўкі на Новы год загадзя. Вось і я пачала падрыхтоўку. На форуме Беларускага клуба аматараў скрапбукінга распачалася новая гульня Навагодняя вяселка. Сэнс у тым, што на працягу 7 тыдняў мы павінныя будзем зрабіць 7 навагодніх паштовак, па адной на кожны колер вяселкі. Гэты тыдзень у нас чырвоны. А у мяне чырвоны чаравічак


Плюс, хачу паўдзельнічаць з гэтай паштоўкай у конкурсе "Новы год у верасні" ад блога Scrapmama

Нарадзілася ў мяне паштоўка па скетчы ад АртУголок. Мабыць надвор'е паспрыяла, што атрымалася яна такая хатняя, цеплая на дотык... Актыўна юзаю новую машынку швейную. Давольная, як слон %)))



а гэта скетч

Рамантычны настрой...

За вакном восень і холад... А на сэрцы вясна))) Вось доказы)))
Першае, пашылася такая падушачка. Ох, асвойваю новую машынку. Не ведаю, ці ўдала, але вынікам я засталася задаволеная. Адна палова падушачкі - мая вышыўка, з адваротнага боку - ільняная тканінка, вельмі прыемная і на дотык, і па колеры. Ну і каруначка...

Па-другае, натхнілася вельмі рамантычным, на мой погляд, скетчам ад S'Sketches і зрабіла такую паштовачку.

Паштовачкі па скетчах

Нарадзілася вот дзве паштовачкі па скетчах.
Адна па скетчу SS#25. Просценькая віншавальная.




І яшчэ адна па скетчу ад 2S4Y.

паштоўка. чарговая

Па скетчы ад CardPatterns атрымалася вось такая паштоўка. Нібыта дасталі яе з бабуліная скрыні, такую трошкі пабітую часам, успамінамі...
Выкарыстала нарэшце штамп з ружай ад StudioScrapbooking, які выіграла ў адным з конкурсаў. З астатнімі матэрыяламі ўсе проста: скрап-папера, папера для пастэлі, самаробная кветачка з карункаў, брадс.